Tags-Dil

lagtā hai na ghar meñ dil na bāhar
kis ne ye kiyā udaas mujh ko

log kahte haiñ tumheñ rāhat-e-jān
tum to ho dil ke dikhāne vaale

dil bhī mal Daal kabhī 'anjum' kā
are mehñdī ke lagāne vaale

āfiyat kī ummīd kyā ki abhī
dil-e-ummīd-vār baaqī hai

dil ne ham ko misāl-e-ā.īna
ek aalam kā rū-shanās kiyā

haal khultā nahīñ kuchh dil ke dhaḌakne kā mujhe
aaj rah rah ke bhar aatī hai tabī.at kaisī

dil vo jis ke ā.īne meñ aks-e-ā.inda rahā
tiira dāman manziloñ meñ bhī daraḳhshanda rahā

vafā tum se kareñge dukh saheñge naaz uThā.eñge
jise aatā hai dil denā use har kaam aatā hai

ek tirā hī dil nahīñ ghāyal dard ke maare aur bhī haiñ
kuchh apnā kuchh duniyā kā ġham dekhne vaale dekhtā jā

taab kyā ham-tāb hove us se ḳhurshīd-e-falak
āftāb-e-dāġh-e-dil kī apne tābish aur hai

sab miTā deñ dil se haiñ jitnī ki us meñ ḳhvāhisheñ
gar hameñ mālūm ho kuchh us kī ḳhvāhish aur hai

kis kis kā dil na shaad kiyā tū ne ai falak
ik maiñ hī ġham-zada huuñ ki nāshād rah gayā

hāl-e-dil sun ke mirā barsar-e-rahmat to haiñ kuchh
abhī baaqī hai magar chīn-e-jabīñ thoḌī sī

sub.h tak shaam se vo go ki rahe paas mire
hasrateñ dil kī magar rah hī ga.iiñ thoḌī sī

dil kī āvāz bhī nahīñ sunte
kyā girāñ-gosh ho ga.e ham log

kah Daale ġhazloñ nazmoñ meñ afsāne kyā kyā
dil meñ phir bhī dhaḌaktā rahtā hai jaane kyā kyā

ye qadam qadam kashākash dil be-qarār kyā hai
jo yaqīñ na ho amal par to nashāt-e-kār kyā hai

abhī aa ke naġhma-e-dil kī bahār dekh jaao
maiñ navā-e-ḳhud-shikan huuñ mirā e'tibār kyā hai

rivāyāt-e-kuhan meñ dilkashī baaqī nahīñ 'aḳhtar'
na.e andāz se tārīḳh-e-shahr-e-gul-ruḳhāñ likhiye

ye to bas thaan hai rakho tum haath
hone lag jaa.e dil kā bar tabdīl