Tags-Dil

taskīn-e-dil nasīb nahīñ hai to kyā huā
honā yahī hai pyaar jatāne ke ba.ad bhī

ab bhī hai ham ko ahl-e-chaman bas unhīñ se pyaar
is dil ko baar baar dukhāne ke ba.ad bhī

dil hī to hai āḳhir bhar aayā tum chīñ-ba-jabīñ kyuuñ hote ho
ham tum ko bhalā kuchh kahte haiñ taqdīr kā apnī ronā hai

misl-e-parvāna fidā har ek kā dil ho gayā
yaar jis mahfil meñ baiThā sham-e-mahfil ho gayā

maut Taltī hai to dil dukhtā hai
jaañ sambhaltī hai to dil dukhtā hai

ḳhvāb jhaḌ jaate haiñ pattoñ kī tarah
rut badaltī hai to dil dukhtā hai

ḳhaak hone kā sila ḳhaak nahīñ
sham.a jaltī hai to dil dukhtā hai

chal chalāo kī haiñ zad par saare
saañs chaltī hai to dil dukhtā hai

chāñd ik maand huā jab se 'shahāb'
raat Dhaltī hai to dil dukhtā hai

koī dilkash sā afsāna kisī dildār kī bāteñ
fasurda raat hai chhoḌo lab-o-ruḳhsār kī bāteñ

kahne kī to baat nahīñ hai lekin kahnī paḌtī hai
dil kī nagrī meñ mat jaanā jo jaa.e pachhtā.e

kāTnā raat kā āsān bhī ho saktā hai
dil meñ ik yaad kī qindīl bhī ho saktī hai

is qadar bhī na baḌho dāman-e-dil kī jānib
ye mohabbat koī tamsīl bhī ho saktī hai

haañ dil-o-jān fidā karda 'zahīr' us pe magar
ye bhī imkān hai tazlīl bhī ho saktī hai

koī aag lams kī pheñk de mire band band ke sāmne
chale film koī visāl kī dil-e-hijr-mañd ke sāmne

dil meñ jo hai vahī zabān pe hai
aur koī ham meñ ḳhaas baat nahīñ

us par to kabhī dil kā koī zor nahīñ thā
ham sā bhī zamāne meñ koī aur nahīñ thā

dil TuuT gayā thā to juḌāte kahīñ jā kar
is kaam kā duniyā meñ koī taur nahīñ thā

samjhe the dasht-e-junūñ meñ kuchh bahal jā.egā dil
dekh kar sunsān jañgal duunī vahshat ho ga.ī

jab jab is ko sochā hai
dil andar se mahkā hai