Tags-Dil

tujh se pahle dil-e-betāb mujhe
terī aamad kā patā detā hai

samā.ī jaatī haiñ dil meñ vo kufr-bār āñkheñ
ye but-kade mire ka.abe pe chhā.e jaate haiñ

haiñ dil ke daaġh bhī kyā dil ke daaġh ai 'sīmāb'
Tapak rahe haiñ magar muskurā.e jaate haiñ

jo rāz-e-dil thā vo ḳhalvat meñ sab kahā ham ne
koī bhī saath nahīñ thā jarīda aayā thā

hosh kī taufīq bhī kab ahl-e-dil ko ho sakī
ishq meñ apne ko dīvāna samajh baiThe the ham

ab nahīñ tāb-e-sipās-e-husn is dil ko jise
be-qrār-e-shikva-e-bejā samajh baiThe the ham

ġhazab kiyā ki ise tū ne mohtasib toḌā
are ye dil thā mirā shīsha-e-sharāb na thā

bayān kī jo shab-e-ġham kī bekasī to kahā
jigar meñ dard na thā dil meñ iztirāb na thā

lagā ke dil koī kuchh pal amiir rahtā hai
phir ik umr vo ġham meñ asiir rahtā hai

kyuuñ haath dil se lagāte ho baar baar apnā
kyā dil meñ ab bhī koī be-nazīr rahtā hai

ruḳh nazar kā kabhī idhar na huā
dil ko hasrat rahī jigar na huā

us ke alfāz dil meñ chubhte haiñ
koī fiqra bhī be-asar na huā

ham sulh bhī kar leñ to chalī jaatī hai un meñ
bāham dil o dilbar kī laḌā.ī nahīñ jaatī

ḳhud dil meñ chale aaoge jab qasd karoge
ye raah batāne se batā.ī nahīñ jaatī

dekh dil ko mire o kāfir-e-be-pīr na toḌ
ghar hai allāh kā ye is kī to ta.amīr na toḌ

dekh Tuk ġhaur se ā.īna-e-dil ko mere
is meñ aatā hai nazar ālam-e-tasvīr na toḌ

kyūñ-kar na roiye dil-e-gum-gashta ke liye
nāz-o-ni.am se thā jise paalā nikal gayā

havā.eñ be-ḳhud fazā.eñ be-ḳhud ye ambar-afshāñ ghaTā.eñ be-ḳhud
mizha ne chheḌā hai saaz dil kā vo zer-e-lab gungunā rahe haiñ

'nasīm' ab to ghabrā gayā dil hamārā
sune kaun pahroñ kahānī tumhārī

aish-e-duniyā kā jab shumār na thā
tab hameñ dil pe iḳhtiyār na thā