Tags-Dil

asīr-e-sahn-e-gulistāñ nahīñ dil-ārā.ī
shamīm-e-lutf dil-afzā hai kū-ba-kū terī

rañg-o-bū meñ bhī dilkashī na rahī
rañg aisā chaḌhā diyā tū ne

tujh se qātil kah diyā thā dil kā ye armān hai
dekh le āḳhir mire siine meñ ḳhanjar rah gayā

muddatoñ se sīna-e-bismil hai jis qātil kā ghar
kyā huā dil meñ agar aaj us kā ḳhanjar rah gayā

dil ne fareb ishq meñ khaa.e kahāñ kahāñ
darmāndagī meñ ashk bahā.e kahāñ kahāñ

jhuk ga.ī jab ye anā tere dar-e-saffāk par
mujh se mat pūchho ki kyā guzrī dil-e-be-bāk par

dil na TuuTe to zarra-e-nāchīz
kīmiyā hai jo paarā paarā hai

apnā kaasa bhī tahī apnā kadū bhī ḳhālī
dāġh-e-dīdār-o-havas dil pe lagā.e nahīñ haiñ

ham to ḳhush the ki chalo dil kā junūñ kuchh kam hai
ab jo ārām bahut hai to sukūñ kuchh kam hai

ab tirā hijr musalsal hai to ye bhed khulā
ġham-e-dil se ġham-e-duniyā kā fusūñ kuchh kam hai

rāh-e-dunyā se nahīñ dil kī guzargāh se aa
fāsla garche ziyāda hai pe yuuñ kuchh kam hai

o dil toḌ ke jaane vaale dil kī baat batātā jā
ab maiñ dil ko kyā samjhā.ūñ mujh ko bhī samjhātā jā

maat ho jaa.e magar hausla-e-dil ke liye
āḳhirī chaal jo baaqī hai vo chal kar dekho

zulmat-e-habs dil-o-jāñ meñ jalā sham.a huā
tū kahīñ hai to mujhe apnī nishānī de jā

har ghaḌī dil se gurezāñ haiñ umīdeñ 'shāhīñ'
in makīnoñ ko zarā shauq-e-makānī de jā

hamāre aañsū sunā rahe haiñ shikasta dil kā fasāna un ko
magar qayāmat kī baat hai ye vo sun ke bhī muskurā rahe haiñ

dil-o-jigar ḳhuun ho chuke haiñ hamāre lab par magar hañsī hai
ham apne afsāna-e-vafā ko kuchh aur rañgīñ banā rahe haiñ

kisī ko Thes na pahuñche ye apnī koshish hai
magar lage jo kisī dil pe zarb kaarī ho

dhaḌke hai be-tarah se ye pahlū meñ raat din
Dartā huuñ zaḳhm-e-dil kī na jaave davā sarak

ye kyā ġhazab huā ki na ḳhanjar lagā na tiir
pahlū se aaphī aap mirā dil gayā sarak