Tags-Dil

saaf haiñ ham go tujhe mail-e-ḳhud-ārā.ī nahīñ
dil vahī ā.īna hai par tū tamāshā.ī nahīñ

nāseho kyuuñ sabr karne ke liye karte ho tañg
is qadar dil tañg hai jā-e-shakebā.ī nahīñ

mere dil kī tujh ko bejā hai shikāyat ġhair se
apne ghar kā haal kahnā tarz-e-dānā.ī nahīñ

ye dil kī baat hai aur baat ye dil hī samajhtā hai
hamāre paas aksar chal ke ḳhud mai-ḳhāna aatā hai

huī hai kārgar tarkīb mere dil kī ḳhvāhish kī
mujhe bīmār sun kar koī betābāna aatā hai

ye merā dil bhī sarāpā mazār sā hai 'sabā'
lagāo katba kisī naam kā mire andar

koī sahrā bhī agar raah meñ aa.e 'anvar'
dil ye kahtā hai ki ik baar sadā de jaao

tasht-e-jāñ meñ sajā ke rakhnā thā
harf-e-dil mehmān ke aage

sar hone do ye kār-e-jahāñ aish kareñge
ham log bhī ai dil-zadagāñ aish kareñge

ab dil meñ sharar koī talab kā na havas kā
is ḳhaak pe kyā ḳhush-badanāñ aish kareñge

jo is se pahle bhī shīshe meñ baal aayā ho
to dil kisī na.ī ulfat se Dar hī jaatā hai

siyāh dil meñ safedī ke biij bo.egā
bichhaḌ ke jab vo milegā to ḳhuub ro.egā

log tārīkiyoñ meñ bhaTakte rahe
dil jalā kar hameñ raushnī mil ga.ī

aur kyā chāhiye tere dar se hameñ
dil ko chhūtī huī shā.irī mil ga.ī

satāve hai dil-e-ḳhūnīñ ko harf-e-nāseh yuuñ
ki jaise zaḳhm se hove hai gul kī bū gustāḳh

hañsī se ġhuncha kā dil sub.h toḌe hai 'uzlat'
tū Dar jo tujh se koī hove ḳhanda-rū gustāḳh

jinheñ talab hai jahān bhar kī unhīñ kā dil itnā tañg kyuuñ hai
ḳhudā-e-bartar terī zamīñ par zamīñ kī ḳhātir ye jañg kyuuñ hai

maiñ huuñ saañs saañs tanhā maiñ huuñ zarra zarra ghāyal
mujhe paas aa ke dekho mirī dilkashī se aage

isī Dar se paḌh na paa.ī maiñ tirā payām jānāñ
kahīñ dil ko chhū na jaa.e mirī bebasī se aage

kuchh bhī ho tauba mohabbat se na hogī vaa.iz
jān-o-dil donoñ se pyārī hai mirī baat mujhe