Tags-Dil

vagarna ishq meñ ik aañch kī kamī hogī
ye dil hai jaao ise pāra-pāra kar ke laao

har dil se udāsī kā bharam toḌte rahnā
māyūs ḳhayālāt se māyūs na honā

mohabbat aag ban jaatī hai siina meñ nihāñ ho kar
tamannā.eñ jalā detī haiñ dil chiñgāriyāñ ho kar

vo jis ne dekhā nahīñ ishq kā kabhī maktab
maiñ us ke haath meñ dil kī kitāb kyā detā

ab aisī karam kī bātoñ se dabtī haiñ kahīñ dil kī choTeñ
tum jitnā miTāte jaate ho ye naqsh ubharte aate haiñ

is daur-e-pareshānī meñ kabhī vo vaqt bhī aatā hai 'ālī'
kuchh dil bhī dhoke khātā hai kuchh vo bhī karam farmāte haiñ

dil Tik udhar na aayā īdhar se kuchh na paayā
kahne ko tark le kar ik svāñg yaañ banāyā

vo gudāz-e-dil-e-marhūm kahāñ se lā.ūñ
ab maiñ vo jazba-e-māsūm kahāñ se lā.ūñ

ai vatan ai rāhat-o-ārām ke dilkash dayār
tere shahroñ par tasadduq tere sahrā par nazār

harf-e-suḳhan se khul ga.ī duniyā pe ai 'atīq'
dil meñ hai kaise kaise ḳhayāloñ se raushnī

haiñ ye jazbāt mire dard bhare dil ke figār
lafz ban ban ke jo ash.ār tak aa pahuñche haiñ

hamvār kar mizāj bahār-o-ḳhizāñ se dil
mumkin nahīñ mizāj-e-bahār-o-ḳhizāñ mile

de ke dil ham jo ho ga.e majbūr
is meñ kyā iḳhtiyār hai apnā

dil hamārā hai ki ham mā.il-e-fariyād nahīñ
varna kyā zulm nahīñ kaun sī bedād nahīñ

pūchhte kyā ho tabāhī kā fasāna mujh se
dil-e-barbād kī sūrat bhī mujhe yaad nahīñ

kab ḳhayālāt pe mumkin hai kisī kā pahra
dil to āzād rahā maiñ agar āzād nahīñ

sīna-kāvī ke liye shart hai dil kī himmat
nāḳhun-e-dast-e-junūñ tesha-e-farhād nahīñ

dil-e-vīrāñ kī tabāhī kī koī had hai 'azīz'
maiñ samajhtā huuñ ki duniyā abhī ābād nahīñ

'shād' kuchh pūchho na mujh se mere dil ke daaġh ko
TimTimātā sā charāġh ik apne vīrāne meñ thā

dil ne vafā ke naam par kār-e-vafā nahīñ kiyā
ḳhud ko halāk kar liyā ḳhud ko fidā nahīñ kiyā