Tags-Dil

dil-e-afsurda kyuuñ kumhlā rahā hai
Thahar jā koī shāyad aa rahā hai

na monis hai na hamdam hai na sāthī
dil-e-nādāñ kahāñ Takrā rahā hai

ḳhudā jaane vo aa.eñ yā na aa.eñ
bahut 'tasnīm' dil ghabrā rahā hai

khilte haiñ dil meñ phuul tirī yaad ke tufail
ātish-kada to der huī sard ho gayā

ḳhaak kar deve jalā kar pahle phir Tisve bahā.e
sham.a majlis meñ baḌī dil-soz parvāne kī hai

hashmat-e-duniyā kī kuchh dil meñ havas baaqī nahīñ
ishq kī daulat se haiñ aise hī ālī-jāh ham

surma.ī ret kī pagDanDī par
sañg-e-marmar kī chaTānoñ kā dil-āvez shabāb

girya dil ko na sū-e-chashm bahāo
Dūbtī hai bhañvar meñ jā kar naav

dil hai ai naala juuñ kabāb-e-varaq
aañch kam de ye khā na jaa.e taav

dil jo maiñ gum kiyā to tum ko kyā
yaaro is baat kā karo na chuvāv

thī shab-e-vasl par ḳhayāl ke saath
ham ne dil se nikāle kyā kyā chaao

dah-e-dil hai ta.alluqe meñ tire
ḳhvāh uujaḌ kar is ko ḳhvāh basāo

zaḳhm kahte haiñ dil kā gahna hai
dard dil kā libās hotā hai

kahā jo maiñ ne ki do mirā dil to bole hañs kar kidhar hai dilī
kahūñ to kyā aur un ko rahmat savāl dīgar javāb dīgar

ajiib rañg-e-vafā hai ajiib tarz-e-sitam
na dil-pazīr mohabbat na shāndār fareb

usī ke nashtar-e-mizhgāñ meñ ab vo tezī hai
ki jis se hote haiñ ham dil-figār nām-e-ḳhudā

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

aur kyā mujh ko sila miltā ḳhulūs-e-dil kā
hadaf-e-tohmat-e-yārāñ na huā thā so huā

tilism-e-sheva-e-yārāñ khulā to kuchh na huā
kabhī ye habs-e-dil-o-jāñ khule to baat chale

terī duniyā meñ kyā nahīñ miltā
ik dil-e-dard-āshnā ke sivā