Tags-Dil

'amar' vahī shaḳhs dil kā jo hai
zarā sā achchhā ḳharāb sā kuchh

chhū ke tere zehn ke ḳhāmosh tāroñ ko kabhī
le ke ik tūfāñ tire dil ke makāñ tak ā.ūñgā

sach kaho to har kahānī dāstān apnī hī hai
aadmī ke dil meñ thoḌā dard honā chāhiye

is makāñ meñ rahne vaale murda-dil insān haiñ
is mahal ke pattharoñ ko sard honā chāhiye

pūchhe hai mirā dil tirī tanhā.ī se kyā kyā
pahlū meñ koī shaḳhs numūdār huā kyā

dil sail-e-havas meñ to pahuñchtā hai kahīñ aur
mad.hosh musāfir ho to manzil kā pata kyā

kyuuñ phailtī jaatī hai koī ḳhushbū-e-mānūs
dil abr kī mānind tire dar se uThā kyā

hai mahv-e-tamannā dil-e-āzurda ki dekhe
pindār-e-mohabbat meñ hai andāz-e-ḳhudā kyā

tū ab ke ajab tarah milā hai
chehra to vahī hai dil nayā hai

suntā hī nahīñ hai ek merī
dil tere mizāj par gayā hai

palkoñ pe hai kuchh namī udhar bhī
dil aaj idhar bhī ro diyā hai

tavāzun aa chalā hai zehn-o-dil meñ
shikasta haal hai mīzān lekin

ḳhajlat se ḳhuuñ meñ Duube yā aag se lage uTh
laala ke ta.iiñ chaman meñ gar dāġh-e-dil dikhāveñ

be-iḳhtiyār sun kar mahfil meñ sham.a ro de
ham baat soz-e-dil kī gar Tuk zabāñ pe lāveñ

yahāñ yaar aur bardār koī nahīñ kisī kā
duniyā ke biich 'tābāñ' ham kis se dil lagāveñ

lījiye hāzir hai nazrāna dil-e-nāshād kā
Tālnā āsāñ na thā kuchh aap ke irshād kā

aañkh se kuchh ho ishāra kuchh tabassum lab pe ho
'shād' karnā kuchh nahīñ mushkil dil-e-nāshād kā

usī ke baare meñ harf likkhe usī pe ham ne ġhazal kahī hai
jo kajlī āñkhoñ se mere dil meñ naqab lagā kar chalā gayā hai

kyā pūchhte haiñ ab dil-e-mahzūñ kā haal aap
us ko mare hue to bahut der ho ga.ī

'sarshār' zikr-e-raunaq-e-bāġh-e-jahāñ na kar
uktā gayā dil is se nazar ser ho ga.ī