Tags-Dil

lagan uḌaan kī dil meñ hanūz baaqī hai
kaTe paroñ hī ko ab shāh-par banāyā jaa.e

tāq-e-abrū haiñ pasan-e-tab.a ik dil-ḳhvāh ke
umr hotī hai basar gumbad meñ bismillāh ke

jā.ūñ kyūñ-kar bin bulā.e us but-e-dil-ḳhvāh ke
be-talab koī nahīñ pahuñchā huzūr allāh ke

dāġh-e-ishq-e-husn kā luqma nivāla hai kaḌā
sair-dil haiñ khāne vaale is ġham-e-jāñ-kāh ke

us ko bhalā kyūñkar chain aayā dil ko kyā kah kar samjhāyā
sūrat terī jis ne sitam-gar thaam ke apnā kalejā dekhī

vāh-re-vā ai nāla-e-sozāñ dekh lī terī ThanDī garmī
dil na pasījā us kāfir kā aag bhī tū ne bhaḌkā dekhī

us ke dil se ga.ī na kudūrat dil kī dil hī meñ rah ga.ī hasrat
ham ne jhaḌī ashkoñ kī barsoñ in āñkhoñ se barsā dekhī

jaisī ziist hamārī guzrī dushman kī bhī yuuñ na basar ho
'anjum' hazrat-e-dil kī badaulat ham ne musībat kyā kyā dekhī

jo dil kā zahr thā kāġhaz pe sab bikher diyā
jo apne aap tabī.at mirī sambhalne lagī

na hasrat hī nikaltī hai na dil ko aag lagtī hai
mirī hastī mire dāman meñ kyā kāñTā lagā laa.ī

duur kyuuñ jā.ūñ yahīñ jalva-numā baiThā hai
dil mirā arsh hai aur us pe ḳhudā baiThā hai

naqsh-e-vahdat hī suvaidā ko kahā karte haiñ
dil meñ ik til hai aur us til meñ ḳhudā baiThā hai

maiñ jo kahtā huuñ ki ka.abe ko na barbād karo
hañs ke but kahte haiñ kyā dil meñ ḳhudā baiThā hai

ḳhat to yuuñ saikaḌoñ maiñ ne un ko likhe
jo bhī dil se likhe vo sambhāle ga.e

dāman-e-dil jhaTak kar koī chal diyā
gungunātī rahī der tak āb-jū

pahle jis aan tumhārī ne liyā dil ham se
ab talak māñgte haiñ dil se ham us aan kī ḳhair

niiñd aa jā.egī sunā to sahī
hāl-e-dil kam nahīñ fasāne se

zulm kyā kyā sahe magar 'raunaq'
tum na baaz aa.e dil lagāne se

kyā dil jigar hai chāhne vāloñ ko dekhiye
mere sukūt apne savāloñ ko dekhiye

ab bhī haiñ aise log ki jin se sabaq mile
dil murda hai to zinda misāloñ ko dekhiye