Tags-Dil

kaun sā saudā hai sar meñ kis ke qaabū meñ hai dil
har qadam sahrāoñ meñ hai har ghaḌī vahshat meñ huuñ

dil-soz-o-dil-ḳharāsh hai ye jāda-e-hayāt
lekin guzar rahe haiñ baḌī sādgī se ham

us se milne kī koī sūrat nikaltī hī na thī
aur tabhī dil ke alī-gaḌh kī numā.ish aa ga.ī

ham tasavvuf ke hue aalim tasavvuf chhoḌ kar
dil mohabbat se huā ḳhālī to dānish aa ga.ī

shīsha-e-ābrū sambhāl ai dil
daur ulTā chalā hai duniyā kā

husūl kaam kā dil-ḳhvāh yaañ huā bhī hai
samājat itnī bhī sab se koī ḳhudā bhī hai

udāsiyāñ thiiñ mirī ḳhānqa meñ qābil-e-sair
sanam-kade meñ to Tik aa ke dil lagā bhī hai

kahāñ talak shab-o-roz āh-e-dard-e-dil kahiye
har ek baat ko āḳhir kuchh intihā bhī hai

havas to dil meñ hamāre jagah kare lekin
kahīñ hujūm se andoh-e-ġham ke jā bhī hai

hamāre ishq aur un ke taġhāful kā ye aalam hai
ki ham dil haar baiThe haiñ vo lene haar leTe haiñ

bharā hai is qadar ai abr dil hamārā bhī
ki ek lahr meñ rū-e-zamīn dariyā ho

dil-e-fasurda ko chhīñTe hazār deñ aañsū
jo shāḳh suukh ga.ī hai vo kyā harī hogī

khileñge phuul yaqīnan ḳhizāñ meñ chāhat ke
jo shāḳh-e-dil pe sanam aap kī navāzish ho

dhuāñ sā uThtā ho jis ke malūl chehre se
to phir zarūrī hai dil bhī shikār-e-ātish ho

mujhe yaqīn hai manzil vo 'sād' pā.egā
ho jis ke dil meñ lagan aur sachchī ḳhvāhish ho

pūchhnā chāhtā huuñ us nigah-o-dil se 'jamāl'
kis ko ābād kiyā hai mujhe be-ghar kar ke

ai dil ye junūñ kī manzil hai kuchh sūd-o-ziyāñ kī fikr na kar
har gaam pe yaañ rahrav ke liye āġhāz bhī hai anjām bhī hai

shab-e-hijr meñ jo thī talḳhiyāñ sabhī bhuul jā
mujhe dil meñ rakh mirā ghar yahīñ mire saath chal

hadīs-e-soz-o-sāz-e-sham-o-parvāna nahīñ kahte
ham apnā hāl-e-dil kahte haiñ afsāna nahīñ kahte

sa.ādat soz-e-dil kī bhī baḌī mushkil se miltī hai
sar-e-mahfil har ik sho.ale ko parvāna nahīñ kahte