Tags-Dil

kyuuñ nāhaq le kar baiTh ga.e ġham-hā-e-musalsal kā qissa
vo dard kī qīmat kyā jāneñ vo dil kī jalan kyā samjheñge

ḳhastagī dekhī hai 'jāved' fasīl-e-dil kī
is pe buniyād shab-e-ġham kī na Daalī jaa.e

terā pahlū tire dil kī tarah ābād rahe
tujh pe guzre na qayāmat shab-e-tanhā.ī kī

kuchh ho lekin ab mirā dil tum se phir saktā nahīñ
ye to jis kā ho gayā kam-baḳht us kā ho gayā

dāġh-hā-e-hijr meñ bhī dil meñ haiñ ḳhār-e-shauq bhī
baaġh kā baaġh aur ye sahrā kā sahrā ho gayā

le ke dil ilzām dete ho ġhanīmat hai yahī
maal kā muul aa gayā adle kā badlā ho gayā

dil kī ghabrāhaT nasīm-e-sub.h-dam se kam huī
vo na aa.e ġhaib se sāmān paidā ho gayā

kaam kyā sham.a kā hai le jaao
dilbar-e-āftāb-rū hai yahāñ

dil meñ apne nahīñ kuchh aur talāsh
ek terī hī justujū hai yahāñ

dil-girafta hī sahī bazm sajā lī jaa.e
yād-e-jānāñ se koī shaam na ḳhālī jaa.e

be-navā shahr kā saaya hai mire dil pe 'farāz'
kis tarah se mirī āshufta-ḳhayālī jaa.e

hamdam hañsī uḌā na dil-e-dāġh-dāġh kī
tohfe diye hue ye kisī mehrbāñ ke haiñ

daar hī bantī hai ai dil zīna-e-merāj-e-ishq
ḳhvāb-e-āġhāz-e-mohabbat kī yahī tābīr hai

haath to hoñge qalam par nāma-bar ye bhī kahā
dil churā letī hai pahlū se ye vo tahrīr hai

jis se ye tabī.at baḌī mushkil se lagī thī
dekhā to vo tasvīr har ik dil se lagī thī

tanhā.ī meñ rote haiñ ki yuuñ dil ko sukūñ ho
ye choT kisī sāhab-e-mahfil se lagī thī

ai dil tire āshob ne phir hashr jagāyā
bedard abhī aañkh bhī mushkil se lagī thī

kise ḳhutūt likhūñ hāl-e-dil sunā.ūñ kise
na koī harf-e-shanāsā na ham-zabān mirā

na rañj-e-hijrat thā aur na shauq-e-safar thā dil meñ
sab apne apne gunāh kā bojh Dho rahe the

roz-e-avval se hī tum bāñdh ke rakhte sāmān
ab yahāñ dil nahīñ lagtā to lagānā bhī na thā