Tags-Dil

fasīleñ dil kī girātā huā jo dar aayā
vo koī aur na thā ḳhvāhishoñ kā lashkar thā

mere dil ko bhī vo na raas aayā
us ke dil se utar ga.ī maiñ bhī

us ke dil meñ bhī koī ranjish thī
kuchh ḳhafā us se ho ga.ī maiñ bhī

mujh ko ehsās hai tum bhī merī tarah jān-o-dil kū-e-ulfat meñ haar aa.e ho
ab ye baazī na.e sar se mumkin nahīñ apnā anjām ḳhud soch lo dosto

Dhal ga.ī raat taare bikharne lage muntashir ho chale dhyān ke silsile
koī dam aur dil meñ farozāñ raho ek muddat ke ba.ad aa.e ho dosto

bevafā.ī kī alāmat ban chuke asnām sab
dil ke but-ḳhāne meñ 'raunaq' ab koī patthar na rakh

jab ḳhvāhish-e-duniyā se koī kaam nahīñ hai
kyuuñ phir dil-e-shorīda ko ārām nahīñ hai

kahāñ se dil ke ilāqe meñ aa ga.ī duniyā
ye sar kā dard hai sar meñ rahe to achchhā hai

ye dil hī jalva-gāh hai us ḳhush-ḳhirām kā
dekhā to sirf naam hai bait-ul-harām kā

us lā-makāñ kā koī muayyan nahīñ makāñ
gar hai to dil Thikānā hai us ke maqām kā

āġhāz-e-ishq meñ gayā dil haath se mire
anjām kyā ho dekhiye ab mere kaam kā

lete haiñ chuur karne ko hī sañg-dil huzūr
kiyā hai vagarna shīsha-e-dil un ke kaam kā

ubhāro to zarā shāyad mirā Duubā huā dil ho
koī shai bahr-e-ġham meñ tah-nashīñ ma.alūm hotī hai

nahīñ ab dard-e-dil lekin abhī tak hai asar kuchh kuchh
chamak rah rah ke pahlū meñ kahīñ ma.alūm hotī hai

'riyāz' aisī mire dil se lagī hai jām-e-kausar kī
mai-e-añgūr ab achchhī nahīñ ma.alūm hotī hai

sañg-dil hai na farebī na jafākār hai vo
merā mahbūb hai ma.asūm farishtoñ jaisā

us ko kyā ma.alūm ahvāl-e-dil-e-shīsha-garāñ
varna aa jaatā kabhī to haath aur patthar ke biich

hājat nahīñ kī jām-o-subū mai-kada rahe
dil kā tirī nigāh se bas rābta rahe

jo sar jhuktā nahīñ hai dil to jhuk jaa.e
faqat itnī talab hai bandagī ko

jo dil se phuuT kar āñkhoñ meñ chamke
taraste rah ga.e ham is hañsī ko