Tags-Dil

kis haqīqat kā inkishāf kiyā
dil ne mujh ko mire ḳhilāf kiyā

ek sūrat dikhā.ī dene lagī
maiñ ne dil meñ ajab shigāf kiyā

jhiil sūkhī to vo palaT aayā
dil ke hāthoñ muḌā parinda hai

maiñ aksar sochtā huuñ dil kī gahrā.ī meñ jā kar
zamīñ par ek chādar āsmānī kis liye hai

ba-zāhir pur-sukūñ aur dil kī har ik rag salāmat
to zer-e-sat.h-e-dariyā ik ravānī kis liye hai

ye dil be-hausla dil mere kahne meñ nahīñ jab
to apne dil kī maiñ ne baat maanī kis liye hai

tīrgī ḳhauf kī pahlū meñ basī hai lekin
kuchh umīdoñ kī chamak dil ke mazāfāt meñ hai

dil laraztā hai pas-e-parda na ho zahr koī
kuchh ziyāda hī miThās ab ke tirī baat meñ hai

ik anā jo dil ke andar chhup ke baiThī thī mire
us ne merī har duā ko be-natīja kar diyā

kāñch ke ye chamkīle TukḌe āḳhir ḳhuun rulāte haiñ
dil se sachchī chiiz na bāñTo un jhūTe dil-dāroñ meñ

yā ḳhudā paas yā butāñ ke paas
dil kabhū apne haañ rahā hī nahīñ

dil se jo chāhiye so bāñdhiye baat
maiñ ne vallāh kuchh kahā hī nahīñ

tere kūcha se aah jaane ko
dil nahīñ yā ki apne pā hī nahīñ

dil ke ḳhazāne señ shāyad lejāvegā jī ke javāhar kuuñ ayyāriyoñ señ
har dam ḳhayāl us kā āñkhoñ ke rauzan siiñ aatā hai chhup-chhup ki choroñ kī mānind

ġham ke pahāḌoñ kuuñ sar par uThā.e haiñ vahshat ke panjoñ siiñ aahoñ ne merī
dil ke akhāḌe meñ ab kaun ham-sar hai un pahalvānoñ ke zoroñ kī mānind

dil kuuñ hotī hai sajan betābī
zulf kuuñ haath lagāyā na karo

kyā tirī yaad kareñge falak-e-nā-insāf
dil-e-nāshād hamārā na kabhī shaad kiyā

dil pe sadme liye jaur-o-sitam ḳhūbāñ ke
zabt dekho na kabhī vā lab-e-fariyād kiyā

āsmāñ kī na shikāyat na hasīnoñ kā gilā
dil-e-nā-fahm ne mere mujhe barbād kiyā

itnā shikva hai ḳhayāl-e-ruḳh-e-jānāñ se hameñ
dil-e-vīrāñ na hamārā kabhī ābād kiyā