Tags-Dil

vo gosha-e-tanhā.ī meñ paḌhtā hai shab o roz
us ke varaq dil pe hai tahrīr hamārī

tirā dil yaar agar maa.il kare hai
to jaan ab tujh ko sāhib dil kare hai

ai dil qazā na aa.e idhar TikTikī na bāñdh
golī kā sāmnā hai ye nazzāra ḳhaal kā

vo chashm hī nahīñ dil-e-vahshī kī fikr meñ
har turk ko hai shauq shikār-e-ġhazāl kā

sarzamīn-e-zulf meñ kyā dil Thikāne lag gayā
ik musāfir thā sar-e-manzil Thikāne lag gayā

be-kalī kyūñkar na hove us kī furqat meñ 'nasīr'
ishq meñ us gul-badan ke dil Thikāne lag gayā

huuñ muntazir-e-lutf khaḌā kab se idhar dekh
kyā mujh ko dil ai turra-e-jānāñ na milegā

dil us se tū māñge hai abas 'mus.hafī' har dam
kyā fā.eda isrār kā nādāñ na milegā

maiñ is ko na bechūñ evaz-e-mulk-e-sulaimāñ
hai sabt sar-e-ḳhātim-e-dil naam tumhārā

yaañ sāġhar-e-dil ḳhūn-e-tamannā se bharā hai
par bāda-e-gulgūñ se vahāñ jaam tumhārā

nanhe ġhunchoñ se khilā rahtā hai āñgan dil kā
yuuñ mahaktī huuñ ki ghar-bār se ḳhushbū aa.e

jazba-e-dil meñ jo sachchā.ī kī dhaḌkan ubhre
ishq lobān bane pyaar se ḳhushbū aa.e

ye dil meñ soch ke tauba bhī toḌ dī maiñ ne
na jaane kyā kahe saaqī agar na pī maiñ ne

sivā.e dil mujhe dair-o-haram se kyā matlab
jagah huzūr ke milne kī DhūñD lī maiñ ne

dard aa ke baḌhā do dil kā tum ye kaam tumheñ kyā mushkil hai
bīmār banānā āsāñ hai har-chand mudāvā mushkil hai

dil toḌ diyā tum ne merā ab joḌ chuke tum TuuTe ko
vo kaam nihāyat āsāñ thā ye kaam balā kā mushkil hai

mauqūf karo ab fikr-e-suḳhan 'vahshat' na karo ab zikr-e-suḳhan
jo kaam ki be-hāsil Thahrā dil us meñ lagānā mushkil hai

bulbul kā dil ḳhizāñ ke sadme se hil rahā hai
gulzār kā muraqqa.a miTTī meñ mil rahā hai

aalam meñ jis ne jis ne dekhā hai aalam un kā
koī to ham se kah de qaabū meñ dil rahā hai

jaañ bhī ba-jāñ hai hijr meñ aur dil figār bhī
tar hai mizha bhī ashk se jeb bhī aur kanār bhī