Tags-Dil

bas ab to dāman-e-dil chhoḌ do bekār ummīdo
bahut dukh sah liye maiñ ne bahut din jī liyā maiñ ne

'shāz' ma.alūm huā ijz-bayānī kyā hai
dil meñ vo aag hai lafzoñ meñ samo bhī na sakūñ

āñkhoñ se ḳhvāb dil se tamannā tamām-shud
tum kyā ga.e ki shauq-e-nazāra tamām-shud

shahr-e-dil-e-tabāh meñ pahuñchūñ to kuchh khule
kyā bach gayā hai raakh meñ aur kyā tamām-shud

ushshāq par ye ab ke ajab vaqt aa paḌā
majnūñ ke dil se hasrat-e-lailā tamām-shud

hazrat-e-dil sipar-e-dāġh-e-junūñ ko le kar
yuuñ bar-e-ishq jigar-ḳhvār uThe aur baiThe

jab lag meñ sub.h hsun-e-butoñ se milā na thā
dil ho.e gul sā haat se mere gayā na thā

hote hī jalva-gar tire ai āftāb-rū
siine meñ jaise shabnam-e-gul dil rahā na thā

kiran zindagānī kī utregī dil meñ
kabhī apnā dāman bichhā kar to dekho

kuchh is salīqe se guzrī hai zindagī apnī
har ek tiir pe ham dil kushāda karte rahe

mire dil ko 'qaisar'-e-be-navā koī ġham shikast na de sakā
ki ulajh ke saikḌoñ hādse mire bāñkpan se chale ga.e

az dil-e-har-dard-mandī josh-e-betābī zadan
ai hama be-mudda.āī yak duā ho jā.iye

toḌ do baḌh ke ye mafrūza vafāoñ ke hisār
dil kī āvāz jidhar jaa.e udhar jaane do

vo jo us ke dil meñ hai kyuuñ us ke hoñToñ par nahīñ
kuchh nahīñ tū mujh se miltā hai ba-zāhir kis liye

bichhā huā thā nigāhoñ meñ farsh-e-istisqā
zamīn-e-dil pe nabī kī duā nikal aa.ī

jin ke gunāh merī nazar se nihāñ nahīñ
rahte haiñ mujh se dil meñ ḳhafā kis qadar vo log

yuuñ lage dard kī is dil se shanāsā.ī hai
mausam-e-ġham kī tabhī to ye lahar aa.ī hai

jhaaḌ lo gard-e-musarrat ko biThā lo dil meñ
bhūle-bhaTke hue kuchh ranj o mehan aa.e haiñ

jaise sab tūfān mirī sāñsoñ se bañdhe hoñ mujh meñ chhupe hoñ
dil meñ kisī Dar ke aate hī zor havā kā baḌh jaatā hai

vo bujh ga.ī sitāra-adā aañkh kab kī dost
dil meñ kisī ke pyaar kī hasrat nahīñ rahī