Tags-Dil

un kī nazroñ ne zaḳhm-e-dil ko mire
mundamil kar ke phir ubhārā hai

ḳhvāb āñkhoñ meñ nahīñ dil meñ tamannā bhī nahīñ
ishq māyūs huā ho magar aisā bhī nahīñ

rāh-e-hastī meñ nigāheñ to bhaTak saktī haiñ
dil bhaTak jaa.e magar itnā añdherā bhī nahīñ

laakh nāzuk sahī ummīd kā rishta lekin
dil ko ehsās kī tauhīn gavārā bhī nahīñ

hādse ho chuke 'arshad' ġham-e-ulfat ke tamām
ab to shāyad dil-e-māyūs taḌaptā bhī nahīñ

taqdīr-e-vafā kā phuuT jaanā
maiñ bhūlā na dil kā TuuT jaanā

kyā detā rahegā dil pe dastak
ik jumla jo maiñ ne jhuuT jaanā

vo aanā kisī kā dil meñ 'rāġhib'
aur sabr-o-qarār luuT jaanā

zindagī kyā hue vo apne zamāne vaale
yaad aate haiñ bahut dil ko dukhāne vaale

ham to ik din na jiye apnī ḳhushī se ai dil
aur hoñge tire ehsān uThāne vaale

dil se uThte hue sho.aloñ ko kahāñ le jaa.eñ
apne har zaḳhm ko pahlū meñ chhupāne vaale

dil jin ko DhūñDhtā hai na-jāne kahāñ ga.e
ḳhvāb-o-ḳhayāl se vo zamāne kahāñ ga.e

ḳhalvat-e-ābila-e-pā meñ hai jaulāñ merā
ḳhuuñ hai dil tañgī-e-vahshat se bayābāñ merā

hasrat-e-nashsha-e-vahshat na ba-sa.i-e-dil hai
arz-e-ḳhamiyāza-e-majnūñ hai garebāñ merā

fahm zanjīrī-e-be-rabtī-e-dil hai yā-rab
kis zabāñ meñ hai laqab ḳhvāb-e-pareshāñ merā

hai ḳhusrav-e-ishq kā ye farmāñ ki dil lagānā nahīñ hai āsāñ
jise ho kū-e-butāñ kā armāñ vo kū-ba-kū ho ḳharāb pahle

ġham-o-alam ranj-o-yās-o-hasrat uThā.ūñgā sab ke ruḳh se parde
tumheñ qasam hai dil hazīñ kī uThāo to tum naqāb pahle

itne bhī na ham ḳharāb hote rahte
kaahe ko ġham-o-alam se rote rahte

dil-e-dard-āshnā kā mudda.ā kyā
kisī bedād kī kiije davā kyā

ek halchal sī machī rahtī hai dil meñ har ghaḌī
saath haiñ pyāre hamāre ham nahīñ pyāroñ ke saath