Tags-Dil

dhaḌakte mausamoñ kā dil
mahaktī ḳhushbūoñ kā dil

taġhāful sāzgār-e-shauq-e-ahl-e-dard kyā hogā
adā se do fareb aisā ki dil dīvāna ho jaa.e

nahīñ kyuuñ hazrat-e-mūsā kī betābī ke ham-pairav
ki rāz-e-dil zabāñ par aa.e aur afsāna ho jaa.e

kahāñ tak zabt-e-be-tābī dil-e-miskīñ mujhe Dar hai
tirī ḳhū-e-tahammul se vo be-parvā na ho jaa.e

mohabbateñ na rahīñ us ke dil meñ mere liye
magar vo miltā thā hañs kar ki vaz.a-dār jo thā

dil-e-vahshat-zada kā haal na pūchh
phuul murjhā ga.e bahāroñ meñ

adam kī raah meñ khaTkā rahā jahannam kā
safar ne dil ko jalāyā mire saqar kī tarah

ḳhud ko dil-e-sarkash ne bhī rakkhā na kahīñ kā
jiine pe razā-mand to ham bhī nahīñ ab ke

kyā jaane 'mujībī' dil-e-qātil meñ hai kyā aaj
mahzar meñ koī jurm raqam bhī nahīñ ab ke

shab-e-firāq ka.ī baar gosha-e-dil se
uThī to aah magar aah be-asar uTThī

dil ko āvārgiyāñ duur bahut chhoḌ aa.iiñ
zikr-e-ḳhair ek taraf naam bhī rahne na diyā

vaz.an bhī hañs paḌā huuñ to phir dil se muddatoñ
aa.ī karāhne kī sadā par sadā mujhe

ik ziiq ik azaab ik andoh ik taḌap
tum ne ye dil ke naam se kyā de diyā mujhe

shikasta-dil kī ḳhushī dosto ḳhushī to na thī
hañsī pe vaqt ke ik tanz thā hañsī to na thī

hañsī hañsī meñ mire dil ko chhīnñe vaale
ye intiqām-e-mohabbat thī dilbarī to na thī

udhar paas chilman ke maujūd the vo idhar the pareshān un ke fidā.ī
rahā sharm-o-shoḳhī kā dilkash tamāshā na jalva dikhāyā na sūrat chhupā.ī

madad kar zarā aur ai josh-e-ulfat ki armān dil kā nikal jaa.e dil se
kabhī jalva-gah tak guzar ho hamārā abhī rahguzar tak huī hai rasā.ī

bharam khul gayā us se ayyāriyoñ kā khulā raaz bhī us se makkāriyoñ kā
churāyā thā tum ne agar dil hamārā to dil ko churā kar nazar kyuuñ churā.ī

agar ho koī rū-shanāsī kā tālib to pahle muqallid bane ā.īne kā
kudūrat se allāh mahfūz rakkhe baḌī shai hai duniyā meñ dil kī safā.ī

hazāroñ bakheḌe hazāroñ jhamele hazāroñ tavahhum hazāroñ taraddud
magar aap aa.eñ to mehmān rakh luuñ mire dil meñ ab bhī hai utnī samā.ī