Tags-Dil

mirī is chashm-e-tar se abr-e-bārāñ ko hai kyā nisbat
ki vo dariyā kā paanī aur ye ḳhūn-e-dil hai barsātī

maiñ vahshatoñ meñ dasht-o-bayābāñ kī ho ga.ī
muddat se multamis hai mirā dil mire liye

ai yaas jo tū dil meñ aa.ī sab kuchh huā par kuchh bhī na huā
yaañ ho ga.ī ḳhāna-vīrānī aur terā zarar kuchh bhī na huā

thā qasd ki un ko rokeñgi shab guzrī inhīñ andeshoñ meñ
par hā.e-re nākāmī dil kī hañgām-e-sahar kuchh bhī na huā

ai kaash vo bāteñ kī hotīñ jo vahshat-e-dil ko kam kartīñ
itnā jo bakā to ai nāseh mujh ko to asar kuchh bhī na huā

dil aur jigar jaañ aur ye sar ham shauq se laa.e paas tire
qismat kā gila ab kis se kareñ manzūr-e-nazar kuchh bhī na huā

tamām ruup liye chāñdnī chalī aa.ī
hamārā dil rahā tārīk ek ghar phir bhī

bahut thī chaah dil-e-nā-tavāñ ruk jaa.e
tavīl hotā gayā umr kā safar phir bhī

is nau-bahār meñ to tarah gul ke ai nasīm
yuuñ chāhiye ki zaḳhm-e-dil apnā rafū na ho

sāñche meñ ham ne aur ke Dhalne nahīñ diyā
dil mom kā thā phir bhī pighalne nahīñ diyā

duniyā ne bahut chāhā ki dil jānvar bane
maiñ ne hī us ko jism badalne nahīñ diyā

kaun dikhlā.e haqīqat ko 'samad' rāh-e-majāz
hāsil-e-dīda-o-dil nazr-e-butāñ kaun kare

dil se milne kī tamannā hī nahīñ jab dil meñ
haath se haath milāne kī zarūrat kyā hai

dil banā dost to kyā kyā na sitam us ne kiye
ham bhī nādāñ the nibhāte rahe nādān ke saath

sair karne se havā lene se
kaam hai dil ko maza lene se

dil zabāñ zehn mire aaj sañvarnā chāheñ
sab ke sab sirf tirī baat hī karnā chāheñ

jaise so.e hue paanī meñ utartā hai saañp
ham bhī chup-chāp tire dil meñ utarnā chāheñ

Thahar gayā hai dil kā jaanā
dil kā jaanā Thahar gayā hai

har tamannā dil se ruḳhsat ho ga.ī
ab to aa jā ab to ḳhalvat ho ga.ī

fitna-e-jāñ vo suḳhan-e-dil-pazīr
dushman-e-dīñ vo nigah-e-sahar-fan