Tags-Dil

yahāñ to husn kā dil bhī hai ġham se sad paara
maiñ kāmyāb nahīñ vo bhī kāmyāb nahīñ

jo huzūr chīñ-ba-jabīñ hue kahā kis ne shor-e-fuġhāñ uThā
rahe ḳhair barq-e-nigāh kī koī dil jalā na dhuāñ uThā

jo baḌhe to jaan pe aa bane jo ghaTe to jaan pe aa bane
jise dil nasīb se mil gayā ajab us ke dard-e-nihāñ uThā

chand benām-o-nishāñ qabroñ kā
maiñ azā-dār huuñ yā hai mirā dil

shorish-e-paiham bhī hai afsurdagi-e-dil bhī hai
zindagī bahtā huā dhārā bhī hai sāhil bhī hai

bahār aa.egī dil ko hai ab yaqīn mire
ḳhayāl-o-ḳhvāb meñ phūloñ ke kārvāñ dekhūñ

banī hai dil meñ magar ruḳh se baat hai zāhir
'sadaf' ke chehre ko maiñ dil kā aa.ina dekhūñ

yahī thā vaqf tirī mahfil-e-tarab ke liye
charāġh-e-dil ki sulagtā hai aaj sab ke liye

kahīñ jo pursish-e-ahvāl par vo maa.il hoñ
ki ham ne dil ko sambhālā huā hai jab ke liye

tajrabe ke dasht se dil ko guzarne ke liye
roz ik sūrat na.ī hai ġhaur karne ke liye

sub.h uTh kar āñsuoñ se ḳhuun ke rotā huuñ maiñ
dil ke naqshe meñ vafā kā rañg bharne ke liye

rahmat jhalak rahī hai ġhazab kī nigāh meñ
dil pā rahā hai lazzat-e-tā.at gunāh meñ

tāsīr-e-āh-o-nāla to ma.alūm haañ magar
dil kā buḳhār ḳhuub nikaltā hai aah meñ

kāñToñ kī guftugū se ḳhalish dil meñ kam na thī
phūloñ ke tazkire se chubhan aur baḌh ga.ī

tire dil kī aag haqīqatan tire haq meñ fasl-e-bahār hai
jo bujhā.e se bhī na bujh sake usī dil kī aag meñ jal ke aa

mah-o-mehr meñ bhī hai dilkashī magar us kī baat hai aur hī
tujhe ārzū-e-jamāl hai to harīm-e-nāz meñ chal ke aa

roz-o-shab yaañ ek sī hai raushnī
dil ke dāġhoñ kā charāġhāñ aur hai

kis qadar choT lagī hai dil par
jab bhī mar mar ke sanam yaad aa.e

hai tujhe yaad karne kī ḳhvāhish bahut
dil jo ġhāfil kabhī ho tire dhyān se

dil meñ shafqat ho chāhat ho iḳhlās ho
ghar kā matlab nahīñ sāz-o-sāmān se