Tags-Dil

dil qasr-e-shahanshah hai vo shoḳh us meñ shahanshāh
arsa ye do aalam kā jilau ḳhāna hai us kā

tire firāq meñ dil se nikāl kar duniyā
chalā huuñ sikke kī mānind uchhāl kar duniyā

hamesha sair-e-gul-o-lāla-zār baaqī hai
agar baġhal meñ dil-e-dāġh-dār baaqī hai

lab par dil kī baat na aa.ī
vāpas biitī raat na aa.ī

dil to umDā ro nā sakā maiñ
chhā.ī ghaTā barsāt na aa.ī

vafā kā ahd thā dil ko sambhālne ke liye
vo hañs paḌe mujhe mushkil meñ Dālne ke liye

kab tak is dil kī lagan raas na aatī āḳhir
muskurātā huā gardūñ pe hilāl aa hī gayā

agar kahūñ ki na aa.e kabhī qarār mujhe
ab is qadar bhī nahīñ dil pe iḳhtiyār mujhe

haath donoñ na hue siine se ik jaa.e judā
maiñ chaman meñ dil-e-nāshād ko bahlā aayā

mashq-e-suḳhan meñ dil bhī hamesha se hai sharīk
lekin hai is meñ kaam ziyāda dimāġh kā

dil ye ḳhāmosh thā ham zabāñ mil ga.e
sab kahāñ se chale the kahāñ mil ga.e

ātish-e-hijr meñ dil sulagtā rahā
ruḳh pe kitne hī dariyā ravāñ mil ga.e

aaj ro kar to dikhā.e koī aisā ronā
yaad kar ai dil-e-ḳhāmosh vo apnā ronā

kise dost apnā banā.eñ ham kise dil kā haal sunā.eñ ham
sabhī ġhair haiñ sabhī ajnabī tire gaañv meñ mire shahr meñ

niklā na dāġh-e-dil se hamārā to koī kaam
na vo charāġh-e-dair na sham-e-haram huā

us ko pā jā.ūñ kabhī aisā muqaddar hai kahāñ
aur uThā luuñ us se dil ye zor dil par hai kahāñ

be-niyāz-e-bahār sā kyuuñ hai
dil ko zaḳhmoñ se pyaar sā kyuuñ hai

kyā koī sandalī mahak sī uḌī
dil mirā pur-ḳhumār sā kyuuñ hai

dil ko darūn-e-ḳhvāb kā mausam bojhal rakhtā hai
ik anjāne ḳhauf se vāqif har pal rakhtā hai

kī ehtiyāt dal ne bahut par kahā gayā
chhoḌī jo un kī raah to dar dar kahā gayā