Tags-Dil

huī haiñ muddateñ bichhḌe hue magar ham-dam
tire liye mirā dil be-qarār aaj bhī hai

fareb-e-ahd-e-mohabbat kā zaḳhm hai taaza
nashāt-e-ishq se dil lāla-zār aaj bhī hai

ek dil hai ek hasrat ek ham haiñ ek tum
itne ġham kam haiñ jo koī aur ġham paidā kareñ

bas ab to dāman-e-dil chhoḌ do bekār ummīdo
bahut dukh sah liye maiñ ne bahut din jī liyā maiñ ne

bhīgī huī ik shaam kī dahlīz pe baiThe
ham dil ke sulagne kā sabab soch rahe haiñ

dil hai palkoñ meñ simaT aatā hai aañsū kī tarah
reshmī raat kī bhīgī huī ḳhushbū kī tarah

shahr-e-afsos meñ apne haiñ na begāne haiñ
ab dil o jaañ ke bhī rishte haiñ man-o-tū kī tarah

terī yādoñ kī kahānī to nahīñ hai 'tanvīr'
dil pe dastak jo diyā kartā hai ḳhushbū kī tarah

ka.ī sar se guzrīñ qayāmateñ paḌīñ ham pe laakh musībateñ
diiñ falak ne kitnī aziyyateñ tumheñ dil se ham na bhulā sake

vahī dard-e-dil kī hai dāstāñ jo hamesha dil meñ rahe nihāñ
kare ek baar koī bayāñ to zamāne-bhar ko rulā sake

kitne saada dil haiñ ab bhī sun ke āvāz-e-jaras
pesh o pas se be-ḳhabar ghar se nikal jaate haiñ log

sharm kab tak ai parī lā haath kar iqrār-e-vasl
apne dil ko saḳht kar ke rishta-e-inkār toḌ

sabr kab tak raah paidā ho ki ai dil jaan jaa.e
ek Takkar maar kar sar phoḌ yā dīvār toḌ

aa.ina hai māne-e-nazzāra-e-husn-o-jamāl
ho sake to sadd-e-askandar ko ai dildār toḌ

māne-e-mastī ko bad-mastī dikhānā chāhiye
mohtasib kā shīsha-e-dil ai bu-e-mai-ḳhvār toḌ

naam ko ai dil na rakh asbāb-e-islāh-e-junūñ
vādī-e-vahshat meñ chal kar nashtar-e-har-ḳhār toḌ

jab dil meñ tire ġham ne hasrat kī binā Daalī
duniyā mirī rāhat kī qismat ne miTā Daalī

ve din ga.e ki dil meñ rahtā thā dard apne
ab dil nahīñ sarāpā ik dard ho gayā hai

itnā to farq mujh meñ aur dil meñ hai ki tujh bin
maiñ ḳhaak ho gayā huuñ vo gard ho gayā hai

hai chaak chaak siina kyūñkar chhupe tū dil meñ
ye to makān saarā be-pard ho gayā hai