Tags-Dil

tere qābil to nahīñ hai ye magar
ek dil laayā huuñ maiñ TuuTā huā

zikr phir bichhḌe chaman kā chhiḌ gayā
mundamil thā zaḳhm-e-dil taaza huā

kar rahā hai dil kā mātam kis liye
dil agar TuuTā tirā achchhā huā

ye dil jis se maiñ sharminda bahut huuñ
usī bebāk se laayā gayā hai

ye jo kuchh bhī hai aayā hai kahāñ se
dil-e-sad-chāk se laayā gayā hai

dil hai ġhamnāk to kaunain hai mātam-ḳhāna
rote haiñ sab dar-o-dīvār baḌī mushkil hai

log kahte haiñ ki dil us ko na denā lekin
ba.ad iqrār kai inkār baḌī mushkil hai

mil ke rahnā hī nahiñ jāntā yaañ ab koī
jān-o-dil meñ bhī hai takrār baḌī mushkil hai

jins-e-dil bechne kī ham ko zarūrat 'parvīñ'
aur ma.adūm ḳharīdār baḌī mushkil hai

maiñ hikāyat-e-dil-e-be-navā meñ ishārat-e-ġham-e-jāvidāñ
maiñ vo harf-e-āḳhir-e-motabar jo likhā gayā na paḌhā gayā

maiñ charāġh-e-hasrat-e-nīm-shab meñ sharār-e-ātish-e-jāñ-ba-lab
dil-e-pur-umīd kī lau thā maiñ mujhe ḳhud vo aa ke bujhā gayā

maiñ ġhubār-e-rāh-e-talab rahā huā dar-ba-dar jo chalī havā
maiñ ujaḌ ke jab huā mutma.in to vo mujh ko dil meñ basā gayā

pas-e-parda dil kā rafīq thā sar-e-parda merā raqīb thā
maiñ miyān-e-radd-o-qubūl thā ki vo aa ke parda haTā gayā

mirā dil amiiñ thā nigāh kā thī nigāh mahram-e-tajraba
vo fusūn-e-jalvā kī aabrū mire tajraboñ ko miTā gayā

dil meñ thiiñ aise fasād-āmāda dil kī dhaḌkaneñ
ho bharā balvā.iyoñ se chauk jaise shahr kā

vārafta huuñ aisā meñ ki kūche meñ butāñ ke
Thahrā.ūñ jo Tuk dil ko to phir paañv ukhaḌ jaa.e

mujhe apne dil par baḌā naaz hai
baḌe naaz se jis ne rakkhā tumheñ

donoñ hoñ kaise ek jā 'mehdī' surūr-o-soz-e-dil
barq-e-nigāh-e-nāz ne gir ke batā diyā ki yuuñ

bahut dinoñ se hai dil apnā ḳhālī ḳhālī sā
ḳhushī nahīñ to udāsī se bhar ga.e hote

dil kā kyā hai dil ne kitne manzar dekhe lekin
āñkheñ pāgal ho jaatī haiñ ek ḳhayāl se pahle