Tags-Dil

vo kaun thā kis samt gayā DhūñDh rahā huuñ
zanjīr dar-e-dil koī khaTkā ke gayā hai

ā.īna chhoḌ ke dekhā kiye sūrat merī
dil-e-muztar ne mire un ko sañvarne na diyā

vo chup lagī hai ki hañstā hai aur na rotā hai
ye ho gayā hai ḳhudā jaane dil ko raat se kyā

dil-sarā.e meñ tamannā.eñ haiñ sar nehūḌā.e
kaun bastī meñ vo mehmān-e-masarrat utrā

hai dil-e-sozāñ meñ tuur us kī tajallī-gāh kā
rū-e-ātishnāk har shola hai merī aah kā

vasl kyā ham ḳhāksāroñ ko ho is dil-ḳhvāh kā
ḳhaak meñ ālūda honā kab hai mumkin maah kā

nūr-afshāñ jab se hai dil meñ ḳhayāl us maah kā
tuur kā shola dhuāñ hai merī sham-e-āh kā

jab tak ki mohabbat meñ dil dil se nahīñ miltā
nazroñ ke tasādum par ham ġhaur nahīñ karte

ālām-o-ġham kī tund havādis ke vāste
itnā latīf dil mire parvardigār kyuuñ

tumheñ jab kabhī mileñ fursateñ mire dil se bojh utaar do
maiñ bahut dinoñ se udaas huuñ mujhe koī shaam udhār do

lagāyā hai dil bhī to patthar se maiñ ne
mirī zindagī kī yahī ik ḳhatā hai

koī baat dil meñ yaqīnan hī hai jo
vo milte hue ġhaur se dekhtā hai

rafta rafta sab āvāzeñ
jo dil ke andar haiñ

yaad aa.e haiñ ahd-e-junūñ ke kho.e hue dildār bahut
un se duur basā.ī bastī jin se hameñ thā pyaar bahut

jo bhī milā hai le aa.e haiñ dāġh-e-dil yā dāġh-e-jigar
vaadī vaadī manzil manzil bhaTke haiñ 'sardār' bahut

hai chaah ne us kī jab se kī jā dil meñ
kyā kyā kahiye jo hai muhayyā dil meñ

ġham hai ki ek talḳh haqīqat hai āj-kal
dil hai ki sogvār-e-mohabbat hai āj-kal

har saañs tarjumān-e-ġham-e-dil hai in dinoñ
har aah parda-dār-e-hikāyat hai āj-kal

phir chāhtā huuñ ik alam tāza-tar 'shakīl'
phir dil ko justajū-e-masarrat hai āj-kal

rihā kar de qafas kī qaid se ghāyal parinde ko
kisī ke dard ko is dil meñ kitne saal pālegā