Tags-Dil

dasht bechain hai vahshat kī pazīrā.ī ko
dil-e-vahshī dar-o-dīvār meñ uljhā huā hai

kabhī dimāġh ko ḳhātir meñ ham ne laayā nahīñ
ham ahl-e-dil the hamesha rahe ḳhasāre meñ

yā-ḳhudā patthar banā dil ke mire ehsās ko
aa.ine kī shakl meñ to umr-bhar tanhā rahā

mirī chāhatoñ meñ ġhurūr ho dil-e-nā-tavāñ meñ surūr ho
tumheñ ab ke khānā hai vo qasam ki fareb meñ bhī yaqīn ho

dil ko maiñ aur mujhe dil mahv-e-vafā rakhtā hai
kis qadar zauq-e-giriftāri-e-ham hai ham ko

dil ke ḳhuuñ karne kī kyā vaj.h va-lekin nā-chār
pās-e-be-raunaqi-e-dīda aham hai ham ko

raushan hoñ dil ke daaġh to lab par fuġhāñ kahāñ
ai ham-safīr ātish-e-gul meñ dhuāñ kahāñ

aalam guzar rahā hai ajab ahl-e-dard par
ho dil meñ mudda.ā bhī to muñh meñ zabāñ kahāñ

rishvat ke dam-qadam se salāmat hai zindagī
dil khol kar tamām hī ḳhushiyāñ manā.iye

aap se hai muqābla dar-pesh
hai ajab dil ko marhala dar-pesh

hamāre dil meñ hai jazbāt kā taptā huā sūraj
jo palkoñ se chunī vo dard kī shabnam liye haiñ ham

mubārak ho ḳhirad vāloñ tumheñ fikr-o-nazar apnī
haiñ ahl-e-dil bahār-e-ishq ke mausam liye haiñ ham

ham logoñ ko apne dil ke raaz batāte rahte haiñ
log hamārī bāteñ sun kar hañste hañsāte rahte haiñ

jin lamhoñ ne luuT liyā thā mere dil kī duniyā ko
aksar merī mahfil-e-ġham meñ aate jaate rahte haiñ

baaġh meñ tū kabhū jo hañstā hai
ġhuncha-e-dil mirā bikastā hai

dayār-e-dil kī raat meñ charāġh sā jalā gayā
milā nahīñ to kyā huā vo shakl to dikhā gayā

mohabbat aap kī dil se bhulā duuñ kis tarah kyuuñ kar
ba-mushkil shai jo aa.ī ho ba-āsānī nahīñ jaatī

tumhāre jaur-e-behad ne ye baḳhshā hai sharaf mujh ko
shikast-e-dil kī bhī āvāz pahchānī nahīñ jaatī

but bhī rakkhe haiñ namāzeñ bhī adā hotī haiñ
dil merā dil nahīñ allāh kā ghar lagtā hai

raat vo ḳhuun rulātī hai udāsī dil kī
rone lagtā hai lipaT kar mirā bistar mujh se