falak kā ek taqāzā thā ibn-e-ādam se

sulag sulag ke rahe aur palak jhapak na sake

maiñ sochtā huuñ ki ye terī be-hijāb hañsī!

mizāj-e-zīst se is darja muḳhtalif kyuuñ hai

bharā huā hai nigāhoñ meñ zindagī ke dhuāñ

bas ek sho.ala-e-shab-tāb meñ sharar kyuuñ hai

na.e shivāle meñ jā kar kisī ke teshe ne

bahut se but to girā.e bahut se but na gire

bas ek ḳhanda-e-be-bāk hī se kyā hogā

lahū kī zahmat-e-iqdām bhī zarūrī hai

gurez o raj.at o taḳhrīb hī sahī lekin

koī taḌap, koī hasrat, koī murād to hai