yuuñ to lamhoñ ke is tasalsul meñ
ab se pahle bhī umr kaTtī thī
aaj lekin thake hue dil par
jism kā taar taar bhārī hai
maqbaroñ se uThī huī āñdhī
Tahniyoñ se ulajh ke chaltī hai
zard chiñgāriyoñ ke dāman meñ
yuuñ sulagtā hai sard ātish-dān
dam-ba-ḳhud ḳhāmushī meñ dhīre se
zard patte qadam uThāte haiñ
dil kī qurbān gaah ke aage
ek TuuTā huā diyā bhī nahīñ
lambī chauḌī saḌak ke dāman par
qumqume sahme sahme jalte haiñ
sochtā huuñ ki is dayār se duur
ek aisā bhī des hai jis kī