merī hamdam, mire ḳhvāboñ kī sunahrī ta.abīr
muskurā de ki mire ghar meñ ujālā ho jaa.e
mere nikhre hue gītoñ meñ tirā jaadū hai
maiñ ne meyār-e-tasavvur se banāyā hai tujhe
duudh kī tarah kuñvārī thī zamistāñ kī vo raat
jab tire shabnamī aariz ne dahaknā sīkhā
merī taḳh.īl kī jhankār ko sākit pā kar!
chūḌiyāñ terī kalā.ī meñ khanak uThtī thiiñ
vaqt ke dast-e-girāñ-bār se māyūs na ho
kis ko ma.alūm hai kyā honā hai aur kyā ho jaa.e