nisār maiñ tirī galiyoñ ke ai vatan ki jahāñ
chalī hai rasm ki koī na sar uThā ke chale
bahut hai zulm ke dast-e-bahāna-jū ke liye
jo chand ahl-e-junūñ tere nām-levā haiñ
bujhā jo rauzan-e-zindāñ to dil ye samjhā hai
ki terī maañg sitāroñ se bhar ga.ī hogī
yūñhī hamesha ulajhtī rahī hai zulm se ḳhalq
na un kī rasm na.ī hai na apnī riit na.ī
gar aaj tujh se judā haiñ to kal baham hoñge
ye raat bhar kī judā.ī to koī baat nahīñ