(1)
taaza haiñ abhī yaad meñ ai sāqi-e-gulfām
ummīd ki lau jaagā ġham-e-dil kā nasība
lo shauq kī tarsī huī shab ho ga.ī āḳhir
is baam se niklegā tire husn kā ḳhurshīd
is kunj se phūTegī kiran rañg-e-hinā kī
phir dekhe haiñ vo hijr ke tapte hue din bhī
jab fikr-e-dil-o-jāñ meñ fuġhāñ bhuul ga.ī hai
tanhā.ī meñ kyā kyā na tujhe yaad kiyā hai
kyā kyā na dil-e-zār ne DhūñDī haiñ panāheñ
(2)
chāhā hai isī rañg meñ lailā-e-vatan ko
us jān-e-jahāñ ko bhī yūñhī qalb-o-nazar ne
hañs hañs ke sadā dī kabhī ro ro ke pukārā
vāpas nahīñ pherā koī farmān junūñ kā
tanhā nahīñ lauTī kabhī āvāz jaras kī
is raah meñ jo sab pe guzartī hai vo guzrī
tanhā pas-e-zindāñ kabhī rusvā sar-e-bāzār
chhoḌā nahīñ ġhairoñ ne koī nāvak-e-dushnām
chhūTī nahīñ apnoñ se koī tarz-e-malāmat