shāhid-e-dahr kī tasvīr banāne vaale
apnī tasvīr kī jānib bhī zarā ek nazar
terī taqdīr hai ā.īna-e-taqdīr jahāñ
ḳhuub ma.alūm hai terā ġham-e-tanhā mujh ko
muntashir ho ke zamāne meñ huā ḳhār-o-zabūñ
ho munazzam to qavī tujh sā zamāne meñ nahīñ
ḳhāliq-e-nān-e-javīñ tū hai ziyāñ terī hai
fikr kī baat nahīñ saarā jahāñ terā hai
ġham ko siine meñ dabā rakkhā hai tū ne lekin
ġham baḌī chiiz hai to us se koī kaam to le