alassabāh ki duniyā thī mahv-e-ḳhvāb abhī
chhupā thā hujra-e-mashriq meñ āftāb abhī
ġhunūdgī meñ fazā.eñ thiiñ sar jhukā.e hue
maiñ jā rahā thā saḌak par qadam baḌhā.e hue
magar thā pesh-e-nazar ik muraqqa-e-adbār
dil-e-ġharīb kī sūrat udaas thā bāzār
yakāyak ek taraf uTh ga.ī jo merī nazar
ajab tarah kā nazar aayā sāmne manzar
galī ke moḌ par ik aadmī pareshāñ-hāl
ki jis kī shām-e-javānī thī sogvār-e-zavāl
sag-e-gursna kī mānind chāTtā thā use
burā thā bhuuk se kuchh is qadar ġharīb kā haal