1
ye bachcha kaisā bachcha hai
ye bachcha kis kā bachcha hai
ye bachcha kaisā bachcha hai
ye saare jag meñ tanhā hai
ye bachcha kaisā bachcha hai
ye sahrā bhuuk kā sahrā hai
ye sahrā maut kā sahrā hai
is bhuuk ke dukh kī duniyā meñ
ye kaisā sukh kā sapnā hai
is bachche kī kahīñ bhuuk miTe
(kyā mushkil hai ho saktā hai)
phir dekhe kaisā bachcha hai
ye kitnā pyārā bachcha hai
ye bachcha kis kā bachcha hai
ye bachcha sab kā bachcha hai!