bāzār hai vo ab tak jis meñ tujhe nachvāyā
dīvār hai vo ab tak jis meñ tujhe chunvāyā
dīvār ko aa toḌeñ bāzār ko aa Dhā.eñ
insāf kī ḳhātir ham saḌkoñ pe nikal aa.eñ
taqdīr ke qadmoñ par sar rakh ke paḌe rahnā
tā.īd-e-sitamgar hai chup rah ke sitam sahnā
kuTiyā meñ tirā pīchhā ġhurbat ne nahīñ chhoḌā
aur mahl-sarā meñ bhī zardār ne dil toḌā
tū aag meñ ai aurat zinda bhī jalī barsoñ
sāñche meñ har ik ġham ke chup-chāp Dhalī barsoñ