zulmat ko ziyā sarsar ko sabā bande ko ḳhudā kyā likhnā
patthar ko guhar dīvār ko dar kargas ko humā kyā likhnā
ye ahl-e-hashm ye dārā-o-jam sab naqsh bar-āb haiñ ai hamdam
miT jā.eñge sab parvarda-e-shab ai ahl-e-vafā rah jā.eñge ham
logoñ pe hī ham ne jaañ vaarī kī ham ne hī unhī kī ġham-ḳhvārī
hote haiñ to hoñ ye haath qalam shā.er na baneñge darbārī
haq baat pe koḌe aur zindāñ bātil ke shikanje meñ hai ye jaañ
insāñ haiñ ki sahme baiThe haiñ ḳhuñḳhār darinde haiñ raqsāñ
har shaam yahāñ shām-e-vīrāñ āseb-zada raste galiyāñ
jis shahr kī dhun meñ nikle the vo shahr dil-e-barbād kahāñ
ai mere vatan ke fankāro zulmat pe na apnā fan vaaro
ye mahl-sarāoñ ke baasī qātil haiñ sabhī apne yaaro