kyuuñ mirī talḳh-navā.ī se ḳhafā hote ho

zahr hī mujh ko milā zahr piyā hai maiñ ne

dair o ka.aba meñ jalā.e mirī vahshat ne charāġh

merī mehrāb-e-tamannā meñ añdherā hī rahā

mujh pe ab tak na paḌī mere masīhā kī nazar

mere ḳhvāboñ kī ye bechain zuleḳhā.eñ haiñ

mere māthe kā araq Dhaltā hai Taksāloñ meñ

par mirī jeb mire haath se sharmā.ī hai

kyuuñ mirī talḳh-navā.ī se ḳhafā hote ho

merī āvāz ko ye zahr diyā hai kis ne