thī ik aisī raat ki ham donoñ tanhā the
chāñd bhī ham bhī
maiñ ne sochā
maiñ dhartī kā rahne vaalā
maiñ ne ek chaman meñ jā kar ḳhushbū ko ye baat batā.ī
chāñd kā bachnā ab mushkil hai
maiñ kyā kartā
maiñ lauT aayā
tab maiñ ne do pañkh lagā.e
koī nahīñ jaatā to na jaa.e maiñ jaatā huuñ
nīche ab ik chāñdnī kī gahrī khaa.ī hai
āvāzoñ kā ik jañgal hai
mere thakte baazū meñ aur chāñd meñ shāyad duurī ab bhī utnī hī hai
chāñd abhī tak duur hai mujh se