kisī kī yaad satātī hai raat din tum ko

kisī ke pyaar se majbūr ho ga.ī ho tum

tumhārī āñhkeñ sadā sogvār rahtī haiñ

tumhāre hoñT taraste haiñ muskurāne ko

gila karo na zamāne kī sard-mehrī kā

ki is ḳhatā meñ zamāne kā kuchh qusūr nahīñ

tum us kī yaad bhulā do ki bevafā hai vo

har ek dil nahīñ hotā tumhāre dil kī tarah

ab us ke vāste ḳhud ko na yuuñ tabāh karo

ab imtihāñ kī tamannā se fā.eda kyā hai