mere ḳhvāboñ ke shabistāñ meñ ujālā na karo
ki bahut duur saverā nazar aatā hai mujhe
koī tābinda kiran yuuñ mire dil par lapkī
jaise so.e hue mazlūm pe talvār uThe
tum ne rātoñ meñ sitāre to TaTole hoñge
maiñ ne rātoñ meñ añdhere hī añdhere dekhe
mire ġham-ḳhvār mire dost tumheñ kyā ma.alūm
zindagī maut ke mānind guzārī maiñ ne
mire ġham-ḳhvār mire dost tumheñ kyā ma.alūm!