ai kisī gulshan zarrīñ kī garāñ-qadr kalī
apnī ujḌī huī mahkār chhupā le mujh se
tū ne ik baar kahā thā mujhe tanhā.ī meñ
pyaar daulat kā parastār nahīñ ho saktā
ye tirā pyaar tire jism kā saudā hī sahī
ab tirī ruuh tire paas nahīñ aa.egī
dekh us daur-e-jahāñ-soz ke vīrāne meñ
lazzat-e-jism ke tūfān ba-har-gām uThe
dekh is dahr meñ arbāb-e-havas ke hāthoñ
aabrū pyaar kī miTTī meñ milī jaatī hai