bhale dinoñ kī baat hai
bhalī sī ek shakl thī
koī bhī rut ho us kī chhab
fazā kā rañg-rūp thī
na muddatoñ judā rahe
na saath sub.h-o-shām ho
na aisī ḳhush-libāsiyāñ
ki sādgī gila kare
na iḳhtilāt meñ vo ram
ki bad-maza hoñ ḳhvāhisheñ
kabhī to baat bhī ḳhafī
kabhī sukūt bhī suḳhan
sunā hai ek umr hai
muāmalāt-e-dil kī bhī
so ek roz kyā huā
vafā pe bahs chhiḌ ga.ī
maiñ ishq kā asiir thā
vo ishq ko qafas kahe
shajar hajar nahīñ ki ham
hamesha pā-ba-gil raheñ
mohabbatoñ kī vus.ateñ
hamāre dast-o-pā meñ haiñ
maiñ koī panting nahīñ
ki ik frame meñ rahūñ
tumhārī soch jo bhī ho
maiñ us mizāj kī nahīñ
na us ko mujh pe maan thā
na mujh ko us pe zo.am hī
bhalī sī ek shakl thī
bhalī sī us kī dostī