mujh se pahle tujhe jis shaḳhs ne chāhā us ne
shāyad ab bhī tirā ġham dil se lagā rakkhā ho
maiñ ne maanā ki vo begāna-e-paimān-e-vafā
kho chukā hai jo kisī aur kī ra.anā.ī meñ
maiñ ne maanā ki shab o roz ke hañgāmoñ meñ
vaqt har ġham ko bhulā detā hai rafta rafta
phir bhī maazī kā ḳhayāl aatā hai gāhe-gāhe
muddateñ dard kī lau kam to nahīñ kar saktīñ
ye bhī mumkin hai ki ik din vo pashīmāñ ho kar
tere paas aa.e zamāne se kinārā kar le
aur maiñ jis ne tujhe apnā masīhā samjhā
ek zaḳhm aur bhī pahle kī tarah sah jā.ūñ