Ahmad Faraz

KHwabon ke byopari

Ahmad Faraz

Sialkot, Punjab, Pakistan

1931-2008
ham ḳhvāboñ ke byopārī the
par is meñ huā nuqsān baḌā
jab dhartī sahrā sahrā thī
ham dariyā dariyā ro.e the
kuchh ḳhvāb sajal muskānoñ ke
kuchh bol kabat dīvānoñ ke
par apnī ghāyal āñkhoñ se
ḳhush ho ke lahū chhiḌkāyā thā
har baar gagan ne vahm diyā
ab ke barkhā jab aa.egī
jab fasl kaTī to kyā dekhā
kuchh dard ke TuuTe gajre the
ab paañv khaḌā.ūñ dhūl-bharī
aur jism pe jog kā cholā hai
ab ghaaT na ghar dahlīz na dar
ab paas rahā hai kyā baabā
Top Urdushayar.com