kis se Darte ho ki sab log tumhārī hī tarah
ek se haiñ vahī āñkheñ vahī chehre vahī dil
ham to vo the ki mohabbat thā vatīra jin kā
pyaar se miltā to dushman ke bhī ho jaate the
ham to aa.e the ki dekheñge tumhāre qarye
vo dar-o-bām ki tārīḳh ke sūrat-gar haiñ
rome ke but hoñ ki paris kī ho monalisa
keats kī qabr ho yā turbat-e-firdausī ho
kis ne duniyā ko bhī daulat kī tarah bāñTā hai
kis ne taqsīm kiye haiñ ye asāse saare