hotā jo koī dūsrā
kartā gila maiñ dard kā
tum to ho dil kā mudda.ā
tum se shikāyat kyā karūñ
dekho hai bulbul nāla-zan
kahtī hai ahvāl-e-chaman
maiñ chup huuñ go huuñ pur-mehan
tum se shikāyat kyā karūñ
maanā ki maiñ behosh huuñ
par hosh hai pur-josh huuñ
ye soch kar ḳhāmosh huuñ
tum se shikāyat kyā karūñ
tum se to ulfat hai mujhe
tum se to rāhat hai mujhe
tum se to mohabbat hai mujhe
tum se shikāyat kyā karūñ