chand lamhoñ ke liye shor uThā Duub gayā
kohna zanjīr-e-ġhulāmī kī girah kaT na sakī
TūTte dekh ke derīna ta.attul kā fusūñ
nabz-e-ummīd-e-vatan ubhrī magar Duub ga.ī
mere mahbūb vatan tere muqaddar ke ḳhudā
dast-e-āġhyār meñ qismat kī inaañ chhoḌ ga.e
phir vahī gosha-e-zindāñ hai vahī tārīkī
phir vahī kohna salāsil vahī ḳhūnīñ jhankār
bol! chaTgāñv kī mazlūm ḳhamoshī kuchh bol
bol ai piip se riste hue sīnoñ kī bahār
rok un TūTte qadmoñ ko unheñ pūchh zarā
pūchh ai bhuuk se dam toḌte Dhāñchoñ kī qatār