bezār ho ga.e the jo shā.er hayāt se
cricket kā match khel liyā shā.erāt se
nāz-o-adā o husn ne jaadū jagā diye
pahle to opner ke hī chhake chhuḌā diye
kyā kyā bayān kījiye ik ik kā bāñkpan
jalva-figan zamīñ pe thī tāroñ kī anjuman
pariyoñ ke jis tarah se pare koh-qāf par
ik long-on par thī to ik long-off par
vo laal geñd phuul ho jaise gulāb kā
jis tarah dast-e-nāz meñ sāġhar sharāb kā
jab ball pheñktī thī vo gesū sañvār ke
nazdīk aur hote the hālāt haar ke