Ahmad Rahi

dard-e-mushtarak

Ahmad Rahi

Amritsar, Punjab, India

1923-2002

mizha-e-ḳhār pe kis tarah bhalā paa.e qarār

āriz-e-gul pe na jab qatra-e-shabnam Thahre

dard-e-mahrūmī-e-jāved hamārī qismat

rāhat-e-vasl-o-mulāqāt ke dar band rahe

sim-sim-e-sīm se khul jaate haiñ uqdoñ ke pahāḌ

jagmagā uThte haiñ phūloñ ke diye sahrā meñ

chaḌhte sūraj ke parastār haiñ duniyā vaale

Dūbte chāñd ko bin dekhe guzar jaate haiñ

mirī hai ki yahāñ koī nahīñ thā merā

maiñ tirā huuñ ki tujhe koī bhī apnā na sakā

Top Urdushayar.com