ye may kī pahlī, din hai banda-e-mazdūr kā
muddatoñ ke ba.ad dekhā is ne jalva huur kā
aaj labour-union meñ shādmānī aa.ī hai
aaj mazdūroñ ko yaad apnī javānī aa.ī hai
hotā hai 'may-day' kā aur 'may-poll' kā jab intizām
nāchte haiñ baañs ke gird aa ke europī avaam
ba.az aise the jo sarmā.e ke Thekedār the
kahte the mazdūr ko ḳhar aur ḳhud ḳhar-kār the
pūchho in sarmāya-dāroñ se ki kab jāgoge tum
yā yūñhī piite rahoge be-muravvat mai ke ḳhum
qābil-e-izzat haiñ is duniyā ke mehnat-kash avaam
mulk kī daulat haiñ ye, vājib hai in kā ehtirām