azal bhūlā-bisrā sā ik ḳhvāb hī

sahī

dhamāke se pahle kī ik sansanī

banī imtihāñ-gāh meñ

sitāroñ kī taqdīm ko kis ne dekhā hai

lazzat-kash intizār

abhī āb-o-gil meñ guñdhī

aur abhī parda-e-ġhaib se jhāñktī yād-dāsht

natīje kī fihrist se naam kitne

ki bajtā thā Dañkā kabhī jin kā

qalam ke navishte se panpā huā ḳhvāb-zār

vahīñ tak hai sarsabz

qalam ko bachā

harf-e-haq kī sazā