ufuq tā ufuq nīlgūñ āsmāñ

musāfir parindoñ kī manzil kahāñ

ki shāyad bahut duur aage ko

us bahr ke māvarā

ufuq tā ufuq nīlgūñ āsmāñ

koī shāḳh-e-gul hai na koī muñDer

na vahshī havāoñ kā tūfāñ rukā

sitāre ba-dastūr nīlāhaToñ meñ chamakte rahe

bahut duur pīchhe ko us bahr ke māvarā

har na.ī dil-kushā agnī munjamid

bahut duur aage ko us bahr ke māvarā

vo ik raushnī kā jahāñ